Здзяйсненне дзеянняў, якія парушаюць спакой іншых грамадзян у жылым доме або ствараюць вібрацыю і шум

Дзеянні, якія парушаюць спакой іншых грамадзян у жылым доме або ствараюць вібрацыю і шум

З 1 сакавіка набылі моц Кодэкс Рэспублікі Беларусь аб адміністрацыйных правапарушэннях ад 6.01.2021 № 91-З, Працэсуальна-выканаўчы кодэкс Рэспублікі Беларусь аб адміністрацыйных правапарушэннях ад 6.01.2021 № 92-З, якімі ўнесены змяненні адносна прыняцця мер да грамадзян, якія парушаюць правілы карыстання жылымі памяшканнямі.

Згодна з палажэннямі новых Кодэксаў адказнасць за здзяйсненне дзеянняў, якія парушаюць спакой іншых грамадзян у жылым доме або ствараюць вібрацыю і шум, у перыяд з 23.00 да 7.00, прадугледжана часткай 1 артыкула 22.12 КаАП Рэспублікі Беларусь і цягне накладанне штрафу ў памеры ад дзвюх да дзесяці базавых велічынь. За здзяйсненне ўказаных дзеянняў паўторна на працягу аднаго года пасля накладання адміністрацыйнага спагнання за такое ж парушэнне адказнасць надыходзіць па частцы 2 артыкула 22.12 КаАП Рэспублікі Беларусь. Памер штрафу за ўчыненне правапарушэння складае ад дзесяці да трыццаці базавых велічыняў.

У адпаведнасці з пунктам 1 часткі 1 артыкула 3.30 ПВКаАП Рэспублікі Беларусь складанне пратаколаў аб адміністрацыйных правапарушэннях, прадугледжаных часткамі 1 і 2 артыкула 22.12 КаАП, адносіцца да кампетэнцыі ўпаўнаважаных на тое службовых асоб органаў унутраных спраў.

У выпадку ўчынення асобамі дзеянняў, якія парушаюць спакой грамадзян у жылым доме або ствараюць вібрацыю і шум, неабходна звяртацца з адпаведнай заявай аб прыцягненні вінаватых асоб да адміністрацыйнай адказнасці ў органы ўнутраных спраў..

Работы па пераўладкаванні і (або) перапланіроўцы

Згодна з пунктам 3 Палажэння аб умовах і парадку пераўладкавання і (або) перапланіроўцы, зацверджанага Пастановай Савета Міністраў Рэспублікі Беларусь ад 16 мая 2013 г. № 384

Да работ па пераўладкаванні і (або) перапланіроўцы адносяцца: замена або перанос сістэм газазабеспячэння, цэнтральнага ацяплення, смеццявыдалення, газавыдалення; стварэнне гідра-, пара-, цепла- і гукаізаляцыі; змены ў апорных канструкцыях; змена плошчы, колькасці жылых пакояў і дапаможных памяшканняў у кватэры за рахунак разборкі існуючых і (або) стварэння новых перагародак; змена плошчы і колькасці памяшканняў у ізаляваных нежылых памяшканнях за рахунак разборкі існуючых і (або) стварэння новых перагародак; стварэнне, павелічэнне праёмаў у ненясучых сценах і перагародках.

Працы па пераўладкаванні і (або) перапланіроўцы, якія ствараюць шум ці вібрацыю забараняецца вырабляць у выходныя і святочныя дні, а таксама пачынаць такія работы раней 9 гадзін і сканчаць іх пазней 19 гадзін у працоўныя дні.

Іншыя работы не з’яўляюцца работамі па пераўладкаванню і (або) перапланіроўцы, і не павінны ажыццяўляцца ў перыяд з 23.00 да 7.00, у адпаведнасці з часткай 1 артыкула 22.12 КаАП Рэспублікі Беларусь.

Адказнасць: У адпаведнасці з ч.3 арт.22.12 Кодэкса Рэспублікі Беларусь аб адміністрацыйных правапарушэннях: Правядзенне работ па пераўладкаванні і (або) перапланіроўцы ў жылых дамах у выхадныя і святочныя дні, якія ствараюць шум або вібрацыю, а таксама правядзенне такіх работ у перыяд з 19 да 9 гадзін у працоўныя дні – цягнуць накладанне штрафу ў памеры ад чатырох да дзесяці базавых велічынь, а на індывідуальнага прадпрымальніка або юрыдычная асоба – ад пяці да дваццаці пяці базавых велічынь.

Згодна з пунктам 25 часткі 1 артыкула 3.30. ПВКаАП Рэспублікі Беларусь паводле часткі 3 артыкула 22.12. КаАП пратаколы аб адміністрацыйных правапарушэннях маюць права складаць упаўнаважаныя на тое службовыя асобы арганізацый, якія ажыццяўляюць эксплуатацыю жыллёвага фонду і (або) аказваюць жыллёва-камунальныя паслугі.

Іншыя парушэнні правіл карыстання жылымі памяшканнямі

Галоўны дакумент, які рэгулюе правілы пражывання ў жылых шматкватэрных дамах – Правілы карыстання жылымі памяшканнямі, утрымання жылых і дапаможных памяшканняў, зацверджаныя Пастановай Савета Міністраў Рэспублікі Беларусь ад 21 мая 2013 г. № 399.

Адказнасць: У адпаведнасці з ч.4 арт.22.12 Кодэкса Рэспублікі Беларусь аб адміністрацыйных правапарушэннях: Парушэнне правіл карыстання жылымі памяшканнямі (за выключэннем дзеянняў, указаных у частках 1– 3 гэтага артыкула), утрымання жылых, падсобных і дапаможных памяшканняў жылога дома (за выключэннем платы за тэхнічнае абслугоўванне жылых памяшканняў і карыстанне імі, за камунальныя паслугі, якія аказваюцца насельніцтву, адлічэнняў на капітальны рамонт), агульнай маёмасці ў жылых дамах дзяржаўнага і прыватнага жыллёвых фондаў , канструктыўных элементаў і інжынерных сістэм або самавольныя пераўладкаванне і (або) перапланіроўка жылых і (або) нежылых памяшканняў, у тым ліку інжынерных сістэм, без змены апорнай здольнасці канструкцый, а таксама выкарыстанне не па прызначэнні жылых памяшканняў, прыдатных для пражывання, – цягнуць накладанне штрафу ў памеры да дваццаці базавых велічыняў, а на юрыдычную асобу – ад трыццаці да шасцідзесяці базавых велічынь.

У адпаведнасці з ч.5 арт.22.12 Кодэкса Рэспублікі Беларусь аб адміністрацыйных правапарушэннях: Самавольнае пераўладкаванне і (або) перапланіроўка жылых і (або) нежылых памяшканняў, якія прывялі да зніжэння апорнай здольнасці канструктыўных элементаў будынка, а таксама пераабсталяванне і рэканструкцыя вентыляцыйных шахт і каналаў – прыводзяць да накладання штрафу ў памеры ад дзесяці да трыццаці базавых велічынь, а на юрыдычную асобу – ад пяцідзесяці да сямідзесяці базавых велічынь.

Згодна з пунктам 25 часткі 1 артыкула 3.30. ПВКаАП Рэспублікі Беларусь па частках 4 і 5 артыкула 22.12. КаАП пратаколы аб адміністрацыйных правапарушэннях маюць права складаць упаўнаважаныя на тое службовыя асобы арганізацый, якія ажыццяўляюць эксплуатацыю жыллёвага фонду і (або) аказваюць жыллёва-камунальныя паслугі.